Rəşad Sadıqov: “Yaxşı mübarizə apardıq”

"Qarabağ"ın kapitanı Rəşad Sadıqov Çempionlar Liqasının 3-cü təsnifat mərhələsinin ilk oyununda səfərdə APOEL üzərində 2:1 hesablı qələbəni şərh edib.

Futbolxeber.az saytının məlumatına görə, o, güclü rəqibə qarşı oynadıqlarını deyib:

“Bizim üçün vacib oyun idi. Güclü rəqibə qarşı oynayırdıq. Səviyyələri ortada idi. Təcrübəli komandadır. Çox şükürlər olsun ki, yaxşı mübarizə apardıq. İlk oyuna görə, pis nəticə deyil. Qarşıda bizi çox vacib oyun gözləyir. Bakıda keçiriləcək cavab oyununa köklənməliyik”.

Qeyd edək ki, bu komandalar arasında cavab matçı avqustun 13-ü Bakı vaxtı ilə 20:30-da başlayacaq (“Qafqazinfo”).