“Bakıda 1 qol vursaq, hər şey dəyişəcək”

“Hamı uzun müddətdir ki, bu oyunu gözləyirdi. Bütün şəhər və komanda üçün bir bayram idi”.

Futbolxeber.az saytının məlumatına görə, bu sözləri Rusiyanın “Arsenal” klubunun yarımmüdafiəçisi Daniil Lesovoy Avropa Liqasının 2-ci təsnifat mərhələsinin “Neftçi” ilə ilk görüşündən sonra deyib.

O, evdə 0:1 hesabı ilə uduzmalarına baxmayaraq, mərhələ keçmək şanslarının olduğunu bildirib: “Sabah baş məşqçimizlə görüşüb, söhbət edəcəyik. Cavab oyunu var, səhvlərimizi düzəltməliyik. Şansımız qalır, Bakıda 1 qol vursaq, hər şey dəyişəcək”.