“Udineze”nin qapıçısına “Qarabağ”dan təklif

“Qarabağ" "Udineze"nin qapıçısı Simone Skuffet transfer etmək istəyir.

Futbolxeber.az saytının məlumatına görə, bu barədə İtaliyanın "La Gazzetta dello Sport" nəşri yazıb.

Bildirilir ki, Ağdam klubu italiyalı qolkiper üçün artıq təklif göndərib. "Kasımpaşa"dan altı aylıq icarədən qayıdan 23 yaşlı qapıçının "Qarabağ"a keçə biləcəyi vurğulanıb.

Onun Azərbaycan təmsilçisinin təklifini düşündüyü və yaxın günlərdə qərarını verəcəyi bildirilib.

Məlumata görə, “Udineze” Skuffet üçün yeni klub axtarışındadır. O, komanda yoldaşları olan argentinalı Musso və brazilyalı Andradeyə rəqabətdə uduzur.

Əlavə edək ki, Skuffet İtaliya U-21 millisinin qapıçısı olub.