“Neftçi” “Arsenal”ı səfərdə devirdi

Avropa Liqasının 2-ci təsnifat mərhələsinin ilk oyunları davam edir.

Futbolxeber.az saytının məlumatına görə, “Neftçi” Tulada “Arsenal”ın qonağı olub. İlk mərhələdə “Sperantsa”nı (Moldova) darmadağın edən (2 oyunun nəticəsinə görə 9:0) “ağ-qaralar” çətin səfərdə sərfəli nəticə qazanmağa çalışırdı.

İlk yarının sonunda Darionun vurduğu qol komandamıza qələbə qazandırıb. .

Qeyd edək ki, komandalar arasında cavab oyunu bir həftə sonra “Bakcell Arena”da keçiriləcək. Cütün qalibi növbəti mərhələdə İsrailin “Bney Yehuda” klubu ilə qarşılaşacaq.

Avropa Liqası

II təsnifat mərhələsi, ilk oyun

25 iyul

"Arsenal" (Tula, Rusiya) - "Neftçi" (Azərbaycan) 0:1

Qol: Dario Federiko 45+1 

(Birinci hissə)

Baş hakim: Enea Yorci (Albaniya)

Tula, "Arsenal" mərkəzi stadionu