Mövsümün ikinci ən yaxşı göstəricisi

Topaz Premyer Liqanın 23-cü turu yüksək məhsuldarlıqla əlamətdar olub.

Futbolxeber.az-ın PFL-in saytına istinadən verdiyi məlumata görə, keçirilən dörd oyunda 16 qol vurulub. “Neftçi” - “Zirə” (4:2), “Sumqayıt” - “Keşlə” (2:1), “Qəbələ” - “Qarabağ” (1:2) və “Sabah” - “Səbail” (3:1) matçlarının keçirildiyi turda orta məhsuldarlıq 4-ə bərabər olub.

Bu, cari mövsümün ikinci göstəricisidir. Yalnız 11-ci turda daha çox - 17 qol vurulmuşdu. Maraqlıdır ki, orta məhsuldarlığın 4,25 olduğu həmin turda da eyni cütlər üz-üzə gəlib. 2018-ci il oktyabrın 10-11-ni əhatə edən turda “Neftçi” - “Zirə” (2:2), “Sumqayıt” - “Keşlə” (1:4), “Qəbələ” - “Qarabağ” (1:3) və “Sabah” - “Səbail” (0:4) qarşılaşmaları keçirilmişdi.