30 Avqust 2025, Şənbə
Sergen Yalçın yenidən “Beşiktaş”da
Kurban Berdıyevdən qələbə şərhi
İliç: "Qələbə seriyamız bitsə də..."
Santuş millinin heyətini açıqladı

Ölkə futbolu

"Qəbələ" - "Sabah": 6-cı duel

"Qəbələ" Topaz Premyer Liqanın 4-cü dövrəsinə doğma meydanda "Sabah"la keçirəcəyi oyunla start verəcək.

Futbolxeber.az saytının məlumatına görə, 22-ci turda oynanılacaq matç komandaların ümumilikdə 6-cı dueli olacaq. Mövsümün arxada qalan hissəsində rəqiblər üç çempionat və iki kubok görüşündə üz-üzə gəliblər.

İlk oyunda rəqibinə uduzan “Qəbələ” ardıcıl 4 qarşılaşmada qalib gəlib. Bu beş matçda cəmi 7 qol vurulub. “Qırmızı-qaralar” top fərqində də üstünlüyə malikdir - 5:2. Yalnız Ceyms Adeniyi bu matçlarda birdən artıq qol vurub. O, paytaxt təmsilçisini iki dəfə məyus edib.

Heç-heçənin qeydə alınmadığı beş qarşılaşmadan dördündə bir qol vurulub. “Qəbələ” üç, “Sabah” bir dəfə minimalhesablı qələbə əldə edib. Son üç görüş də bu hesabla nəticələnib.

Premyer Liqa çərçivəsindəki görüşlərdə iki qələbə və bir məğlubiyyəti olan Sənan Qurbanovun komandası 3 qol vurub, 2-ni buraxıb. Əyalət təmsilçisi evdəki hər üç oyunda, həm çempionat, həm də kubokda bir top fərqi ilə qələbə qazanıb. “Qəbələ” ümumilikdə üç, evdə isə iki oyundur qol da buraxmır.

Xatırladaq ki, aprelin 1-də Qəbələ şəhər stadionunda keçiriləcək oyun saat 14:00-da başlayacaq.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31