Millimizin sabiq oyunçusu bu klubla anlaşdı

Milli komandamızda da çıxış etmiş Murad Ağayev Moldova çempionatında çıxış edə bilər.

 

Futbolxeber.az saytına açıqlama verən Ağayev hazırda "Sfintul George" klubunda baxışda olduğunu bildirib:

 

"Uzun müddət zədədən əziyyət çəkdim. Özümə gəlməyim üçün vaxta eht iyac var. Bəli, hazırda Moldovadayam, toplanışa gəlmişəm. Iki gündü ki, məşq edirəm komanda ilə. Martda yeni mövsüm başlayır. Əminəm ki, bu komandada yenidən özümə gələcəm. Hazırda baxışdayam, yekun qərarı yaxın günlərdə deyəcəklər. Klubda da şərait normaldı. Mənim üçün ən əsası bu dəqiqə oynamaqdı. Ümid edirəm ki, hər şey yaxşı alınacaq".

 

Ağayev karyerası ərzində, Sumqayıt, Neftçi klublarında da oynayıb.