Növbəti mövsümdən I divizionun qalibi Premyer Liqada çıxış edəcək

Bu gün AFFA-nın inzibati binasında İcraiyyə Komitəsinin növbəti iclası keçirilir. Futbolxeber.az-ın məlumatına görə, bir neçə dəqiq əvvəl başa çatan iclasda bir sıra mühüm qərarlar qəbul edilib. Belə ki, cari mövsümdə 10-cu yer tutan komanda Premyer Liqanı tərk edəcək. I divizionun qalibi isə yüksək dəstəyə vəsiqə əldə edəcək. Bundan başqa toplantıda U-12 və U-19 liqaları yaradılması haqda qərar qəbul edilib.

I divizionda isə komandaların start heyətlərində 21 yaşadək futbolçuların sayı 8-dən 6-ya endirilib. Eləcə də "Araz"la səfər oyunu üçün Naxçıvana yollanacaq komandaların xərclərini AFFA ödəyəcək.

Həmçinin klublarda İdarə Heyəti yaradılacaq və həmin heyətdə mütləq bir veteran yer alacaq.