"Azərbaycanda sıradan oyun yoxdur"

"Qəbələ"nin baş məşqçisi Yuri Syomin "Sport-Ekspress" qəzetinə müsahibə verib. Futbolxeber.az-ın məlumatına görə, təcrübəli mütəxəssis Azərbaycan çempionatının heç də zəif birincilik olmadığını qeyd edib: "Azərbaycan Premyer Liqasında 10 komanda 4 dövrədə oynayır. Bununla da, zəif komandalar kənarda qalıb və burada sıradan oyun yoxdur. Burada həm təbii, həm də sintetik qazonlarda oynayırıq. Ötən mövsümün güclüləri “Neftçi” ilə “Qarabağ” idi. Hazırda “Qəbələ” də onlarla birgə ilk 3 yeri bölüşdürür. "Qəbələ" ötən çempionatı 6-cı yerdə başa vurmuşdu, ancaq indi komandanın qarşısına avrokuboklara vəsiqə qazanmaq vəzifəsi qoyulub. 10 yeni futbolçu götürmüşük. Bunlar əsasən gənc, perspektivli futbolçulardır. Donetsk “Metallurq”undan dəvət olunan braziliyalı Leonardo, hollandiyalı Ebeselio özünü yaxşı göstərir. Sonuncu “Ayaks” məktəbini keçib. Həmçinin, rusiyalı azarkeşlərə “Kuban”dan çıxışı ilə tanınan nigeriyalı Afolabi yaxşı təsir bağışlayır".