Ölkə futbolu
"Ümid edirəm ki, “Bakı” yenidən Premyer liqaya qayıdıb sözünü deyəcək"
Xeyli vaxtdı böyük futboldan uzaq düşən millinin sabiq oyunçusu Cəmşid Məhərrəmov hazırda Region Liqasında çıxış edən “Füzuli”nin şərəfini qoruyur.
Futbolxeber.az saytının məlumatına görə, Məhərrəmov bugünlərdə Region Liqasının “feysbuk” səhifəsinin "Sualı sən ver" rubrikasının qonağı olub. Millinin keçmiş müdafiəçisi azarkeşlərin ünvanladığı ən yaxşı 10 sualı cavablayıb.
- Hansı klubu daha çox sevirsiz?
- Karyeram ərzində şərəfini qoruduğum klubların heç biri pis olmayıb. Əsgərlik dönəmində MOİK-də olmuşam, ordan isə “Karvan”a yollanmışam. 2005-in yanvarından 2007-nin mayına kimi Yevlax təmsilçisində çıxış etmişəm və hər şey ürəyimcə olub. Ordan isə “Bakı”ya keçmişəm. Düzdü, “Karvan”da çıxış etdiyim müddətdə də milliyə dəvət almışam. Həmin vaxt Şahin Diniyev yığmanı çalışdırırdı və Ukrayna ilə oyun üçün mənə də dəvət göndərmişdi. Ancaq əsas uğurlarım və qazandığım titullar “Bakı” ilə bağlıdı. Ona görə də ən çox sevdiyim klub kimi “Bakı”nın adını çəkərdim.
- Karyeranız ərzində oynadığınız ən səviyyəli futbolçu kim olub?
- “Karvan”da oynadığım vaxtı komanda yoldaşım kimi çox adlar saya bilərəm. Məsələn, Zaur Ramazanov, Yakuba Bamba, Fərrux İsmayılov, Kənan Kərimovu deyə bilərəm. Ancaq son dövrlərə baxanda - Azərbaycan çempionatının lap qızğın vaxtını nəzərdə tuturam, sona iki-üç tur qalmasına baxmayaraq, kimin çempion olacağı bilinmirdi - “Bakı”da çıxış edən Jabanı və Amiran Mucirini qeyd edərdim.
- Region Liqasında çempionluq yolunda hansı komandaları özünüzə rəqib görürsüz?
- Bildiyimə və eşitdiyimə görə, Region Liqası bu səviyyədə olmayıb. Ötən mövsüm indiki kimi maraqlı keçməyib. Təcrübəli və ya ötən il birinci divizionda top qovan əksər futbolçuların bu il Region Liqasına üz tutması səbəbindən liqaya maraq çox artıb. Komandaların səviyyəsi artıb. Çempionluq yolunda yaxşı transferlər edən “FC Baku”nun, “Şahdağ”ın adını çəkərdim. Qusarda həmişə yaxşı oyunçular olub. Sumqayıt “Uğur”unu da yaddan çıxarmaq olmaz. Adını çəkmədiyim komandalar məndən inciməsin. Oyununu izlədiyim komandaları daha yaxşı tanıdığımdan onların adlarını çəkdim. Elə komandalar da var ki, heyətində yer alan gəncləri tanımıram və onların səviyyəsinə bələd deyiləm. Ona görə də adlarını vurğulamadım. İnşallah, həmin gənclər gələcəkdə daha yaxşı karyera qurarlar. Adlarını qeyd etdiklərimin siyahısına “Ağsu Siti”ni də əlavə edərdim. Onlar da yaxşı komandadı.
- Çıxış etdiyin komandaların hansında geridönüş edibsiz?
- Karyeram ərzində elə bir oyun olmayıb ki, geridönüşü məhz mən edim. Amma elə matçlar olub ki, hesabda geri düşdüyümüz anda mən də qol vurmuşam, bir başqası da fərqlənib və qalib gəlmişik.
- Fernando Torresə qarşı oynamış futbolçusuz. Region Liqasında sizə hansı oyunçu problem yaradıb?
- Təkəbbürlük kimi çıxmasını istəməzdim. Mən yeni komandamda müdafiədə oynamıram ki, hansısa futbolçu təkbətək mübarizədə mənə problem yaratsın. Yarımmüdafiədə yer aldığımdan hələ ki çətin vəziyyətə düşməmişəm. Ancaq ola bilər ki, çox qaçdığım görüşlərdə fiziki cəhətdən çatdırmayım. Bu da əsasən fiziki durumdan irəli gələ bilər. Bunu da təcrübə hesabına “sığortalamaq” mümkündü. Qarşıda hələ çox oyun var, görək necə olur.
- Ən yaxşı qolunuzu hansı komandaya vurmusuz?
- Elə də çox qol vurmamışam. Səhv etmirəmsə, 7 və ya 8 dəfə fərqlənmişəm. Onların arasında Sumqayıt “Gənclərbirliyi”nə vurduğum qol baxımlı alınmışdı.
- Elita klubları və millidə oynamış Cəmşid üçün bu gün Region Liqasında mübarizə aparan komandanın şərəfini qorumaq çətin deyil?
- Səviyyə baxımından fərq var. Bunu etiraf etmək lazımdı. Amma klubun özündən də çox şey asılıdı. “Füzuli”də işə peşəkar səviyyədə yanaşırlar. Mənim çətinliyim o vaxt olardı ki, komandada bütün işlər həvəskar şəkildə idarə olunardı. Məni futbola gətirən bu idman növünə olan sevgi və istək olub. Bu gün də bu sevgiyə görə oynayıram. Premyer-liqada oynayanda yetərincə pul qazanmışam. İndi daha çox istəyə görə meydana çıxıram. Bu gün “Füzuli”də istər işə yanaşma, istərsə də futbolçuya olan münasibət yüksək səviyyədədi. Hamı öz yerini bilir. Düzdü, bəzən meydanda narazılıq olur. Ancaq hər şey elə meydanda da qalır.
- Karyeranız ərzində ən yaddaqalan oyun hansı olub?
- Belə qarşılaşmaların sayı çoxdu. Məsələn, U-21 ilə İngiltərəyə, əsas millinin heyətində isə Finlandiya və Belçikaya qarşı görüşlərimizi qeyd edərdim. Premyer-liqada “Neftçi” və “Xəzər Lənkəran”la bütün qarşılaşmalarımız yaddaqalandı. Əsasən də bu iki klubla kubok matçlarımızı heç vaxt yaddan çıxarmaram.
- “Bakı”nın sizin üçün önəmi nədi?
- Adını qeyd etdiyiniz klubun mənim üçün önəmi çox böyükdü. Rəhbərliyini də xüsusi qeyd edərdim. Bir dəfə ordan keçəndə stadiona baxmaq istədim, əsas və ona yaxın yardımçı meydanın durumu yaxşı idi. Çünki ora həmişə diqqət mərkəzində olub. Ancaq arxa tərəfdəki yardımçı meydanların durumunu görüb çox pis oldum. Çünki “Bakı” belə vəziyyətə düşməyə layiq klub deyildi. İnşallah, ümid edirəm ki, “Bakı” yenidən Premyer liqaya qayıdıb sözünü deyəcək. Eyni sözləri “Xəzər Lənkəran”a da aid edərdim. Bu klublar istər transfer, istərsə də şərait baxımından Azərbaycan çempionatının bəzəyi olublar.
- Horadiz Olimpiya Kompleksinin stadionundan razısız?
- Meydanın durumu nə çox pis, nə də çox yaxşı vəziyyətdədi. Region Liqası üçün bəlkə də normaldı. Əsas odu ki, təbii örtükdü. İki ildi “Füzuli” Region Liqasında çıxış edir. Ancaq ondan da əvvəl stadiona baxılıb, ot örtüyünə diqqət yetirilib. Yəni başdansovdu iş görülməyib. Bu gün də hər oyundan öncə məşqçilər, arenanın əməkdaşları çalışırlar ki, meydanı hazır vəziyyətə gətirsinlər. Narazı deyiləm. Ən əsası isə bölgənin insanlarıdı. Bizi çox xoş qarşılayırlar, qonaqpərvərlik göstərirlər. Fürsətdən istifadə edib hamısına təşəkkür edirəm. Region Liqası iki ildi yaranıb və inanıram ki, uzunömürlü olar, ölkə futboluna faydası dəyər. Arzum budu ki, liqada çıxış edən oyunçular özlərini yaxşı tərəfdən göstərib birinci divizion, premyer-liqa klublarının diqqətini cəlb etsinlər və özlərinə uğurlu karyera qursunlar.
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- Hakimlər “kimə işləyir”? - Araşdırma
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Klublar Komitəsinin iclası keçirilib
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
-
10:03
"Roma" "Bayer"lə bacarmadı VİDEO
-
09:47
Bakıda bədii gimnastika üzrə Avropa Kuboku start götürüb
-
09:30
"Sumqayıt" "Kəpəz"lə oyuna hazırlaşır FOTOLENT
-
22:21
"Şamaxı" "Zaqatala"ya qalib gəldi VİDEO
-
21:56
Millimiz Belarusa məğlub oldu
-
21:39
“Neftçi” mübarizəni dayandırdı
-
19:43
"Prezident Kuboku-2024": Azərbaycan avarçəkənləri günü 1 dəst medalla başa vurublar
-
19:12
"Qaradağ Lökbatan" 3 xalı 3 qolla qazandı VİDEO
-
18:27
“Qaradağ-Lökbatan” və “Şamaxı”dan qələbə
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"
-
16:13
Yüksək Liqada mövsüm başa çatdı
-
15:00
İlk dəfə kata üzrə Azərbaycan birinciliyi keçirilib
-
14:49
"Prezident Kuboku": Azərbaycan avarçəkəni qızıl medal qazandı
-
14:22
"Neftçi" “Qarabağ”la matçın hazırlığını davam etdirir FOTOLENT
-
14:15
Millimizin sabiq üzvü “Əl-İttihad”da
-
13:07
Türkiyə avarçəkəni: “Prezident Kuboku” turniri həyəcanlı və maraqlı keçir"
-
12:31
Aygül Abdullayeva Estoniyada ən yaxşı hakimi seçilib
-
12:12
"Səbail" "Qəbələ" ilə oyuna hazırlaşır FOTOLENT
-
11:58
Klublar Komitəsinin növbəti iclası keçirilib
-
11:26
Avarçəkmə üzrə "Prezident Kuboku”nda ikinci yarış gününə start verilib
-
11:03
Fərid Mansurov: "Prezident Kuboku-2024"də azarkeş qismində iştirak etmək qürurvericidir"
-
10:34
"Həm hücumda, həm də müdafiədə aqressiv oyun sərgilədik"
-
10:12
Azərbaycanın güləş milliləri Bakıda toplanış keçirlər
-
09:59
"Traktor" əzəli rəqibi ilə heç-heçə etdi
-
09:47
"Borussiya" PSJ-ni məğlub etdi VİDEO
-
09:30
Minifutbol millimiz beynəlxalq turnirin qalibi oldu
-
18:19
Abu Dosso: “Sumqayıt”ın potensialı avrokuboklarda oynamağa imkan verir”
-
17:58
Bakıda keçiriləcək bədii gimnastika üzrə Avropa Kubokunun mükafat fondu açıqlanıb
-
17:42
Azərbaycanlı nümayəndə ilk dəfə Avropa çempionatında
-
17:25
Şahin Bağırov Azərbaycan voleybol millisinin üzvləri ilə görüşüb
-
17:03
Azərbaycanı Bakıdakı Avropa Kubokunda təmsil edəcək gimnastlar müəyyənləşib
-
16:51
"Qusar" Ağdaşdan qələbə ilə qayıtdı VİDEO
-
16:37
“Prezident kuboku-2024” reqatasının birinci gününə yekun vuruldu
-
15:44
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
-
14:16
Premyer Liqamızda apreldə vurulan 5 ən gözəl qol VİDEO
-
14:08
AMADA təmiz idman təbliğatını Suqovuşanda davam etdirir
-
13:32
“Sərhədçi”nin baş məşqçisi: "Ümid edirəm ki, yaxşı oyunla qələbə qazanacağıq”
-
12:29
I Liqada hakim təyinatları açıqlandı
-
12:15
Prezident Kuboku-2024" reqatasının Füzulidə də keçirilməsi planlaşdırılır
-
11:53
Suqovuşanda “Prezident Kuboku-2024” reqatasının açılış mərasimi keçirilib
-
10:41
Millimiz Rumıniyaya uduzub, Bosniya və Herseqovinanı darmadağın edib
-
10:17
Ülviyyə Fətəliyeva: "Vətənimə qızıl medalla qayıtmaq qürurvericidir"
-
09:30
"Bavariya" - "Real" matçında 4 qol VİDEO
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb