3 futbolçuya 1 oyunluq cəza

Bu gün AFFA İntizam Komitəsinin iclası keçirilib. Futbolxeber.az-ın məlumatına görə, 10 avqust 2013-cü il, 2013/2014 mövsümündə, XXII Premyer Liqaın II turunun “Rəvan” – “Neftçi” matçının 78-ci dəqiqəsində “Rəvan” klubunun 20 №-li futbolçusu Miloş Adamoviç əllə oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.

10 avqust 2013-cü il, 2013/2014 mövsümündə, XXII Premyer Liqanın II turunun AZAL – “Bakı” matçının 45+1-ci dəqiqəsində “Bakı” klubunun 2 №-li futbolçusu Devidas Çesnauskis idmançiya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.

"Qarabağ" - "Sumqayıt" matçının 82-ci dəqiqəsində “Sumqayıt” klubunun 3 №-li futbolçusu Vurğun Hüseynov idmançiya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.