"Bizdə futbolçular başqa yerlərdə işləyir, 6-dan sonra məşqə gəlir"

Sabah yoxlama oyununda millimizlə qarşılaşacaq Malta yığmasının baş məşqçisi Petro Qedin bu gün mətbuat konfransı keçirib. Futbolxeber.az-ın məlumatına görə, Qedin nəticənin komandası üçün əhəmiyyət kəsb etmədiyini bildirib: "Azərbaycan yığmasına qarşı oynamaq maraqlıdır. Həm yeni, həm də köhnə futbolçuları yoxlamaq baxımından millinizlə oynamaq gözəl fürsətdir. Azərbaycanla oyunda hesab haqda düşünmürük. Əsas futbolçuların yaxşı oynamasıdır. Mənim üçün ən vacibi meydanı razı qalacağım oyunla tərk etməkdi. Bilirəm ki, Azərbaycan yığmasının səviyyəsi var. Mübariz komandadı, heç də zəif deyil. Şimali İrlandiya və Lüksemburqla matçları izləmişəm. Milliniz yaxşı təsir bağışlayıb. Malta kiçik ölkədi. Almaniya, İtaliya kimi böyük ölkə deyilik ki, seçim imkanımız geniş olsun. Mən özümə, futbolçulara, rəqibə qarşı tələbkar olmağa çalışıram. Bizdə futbolçular başqa yerlərdə işləyir, 6-dan sonra məşqə gəlir. Yığmamızda futbolçu azdır".