"Simurq" Lənkəranda məşqə çıxdı

Premyer Liqanın II turunda "Xəzər Lənkəran"ın qonağı olacaq "Simurq" artıq hazırlıqları tamamlayıb. Futbolxeber.az-ın məlumatına görə, dünən qarşılaşmanın oynanılacağı Lənkəran şəhər mərkəzi stadionunda son hazırlıqları edən "Simurq", bir saat davam edən məşq prosesində isinmə hərəkətlərindən sonra toplu çalışmalar yerinə yetirib. İkitərəfli oyundan və cinahlardan asmaların qapanması ilə hazırlıq tamamlanıb. Bundan sonra baş məşqçi Georgi Çixradze yetirmələrinə istirahət verib və komandaz qarşılaşmanın artıq başlama saatını gözləyir. "Simurq" "Xəzər Lənkəran" qarşısına itki ilə çıxacaq. Belə ki, son məşq prosesində əzələsini dartan Rövşən Əmiraslanov bu görüşdə forma geyinə bilməyəcək.