Yığmamızın üzvü xarici klubların maraq dairəsindədi

19 yaşlılardan ibarət yığma komandamızın aparıcı üzvü Hüseyn Əhmədovun ölkə xaricinə yollanmaq variantı yaranıb. 

Futbolxeber.az saytının məlumatına görə, U-19 yığmasında aparıcı simalardan olan Əhmədov bir neçə xarici klubun diqqətini cəlb etməyi bacarıb. Ötən il Ukraynanın "Gelios" klubunda oynamış Əhmədovun yenidən xaricə yollanacağı gözlənilir. Belə ki, ölkədə gənclər arasında ən güclü sol cinah müdafiəçilərdən hesab olunan Əhmədov Slovakiyaya yollana bilər. Onun Trnava "Spartak"ının maraq dairəsinə olduğu bildirilir. 

Bununla yanaşı Əhmədovun Ukraynaya geri dönmək şansı da var. Belə ki, "Gelios"da oynadığı vaxtlarda özünü ən yaxşı tərəfdən göstərmiş müdafiəçinin xidmətində Ukrayna klubları da maraqlıdı.