Miodraq Bojoviç: "Ramil Şeydayev daha çox şans almağa layiqdi"

“Krılya Sovetov”un baş məşqçisi Miodraq Bojoviç klubun rəsmi saytına danışıb.

Futbolxeber.az saytının məlumatına görə, çernoqoriyalı mütəxəssis Ramil Şeydayev haqda bunu deyib: “Futbolçular haqda fikirlər dəyişib, bu da normaldı. Onlarla hər gün danışırsan və fərqli xasiyyətlər görürsən.

Bəzi oyunçular var ki, onlar haqda fikirlər yaxşıdan pisə dəyişib. Elə oyunçular da var ki, onlar haqda tərsinədi. İşlədiyim oyunçular arasında Şeydayevi xüsusi vurğulayardım. O, daha çox şans almağa layiqdi. Əvvəl isə ona az şans veriblər. Ümidvaram ki, bunu dəyişməyə imkan olacaq”.