"Anji": büdcə azaldıldı, ulduzlar gedir

Rusiyanın "Anji" klubunun rəhbərliyi gözlənilməz qərar qəbul edib. Futbolxeber.az-ın məlumatına görə, Premyer Liqanın son turunda "Anji" öz meydanında "Rostov"a 0:1 hesabı ilə uduzub. Matçdan sonra isə klubun sahibi Süleyman Kərimov bəyan edib ki, komanda bundan sonra siyasətini tam dəyişəcək. Buna qədər əcnəbilərə külli miqdarda pullar xərcləyən Mahaçqala klubu bundan sonra üstünlüyü yerli oyunçulara verəcək. Artıq sabiq baş məşqçi Hacı Hacıyev komandaya qaytarılıb. Klubun büdcəsi isə illik 50-70 milyon dollar arası olacaq. Halbuki 2012-ci ildə "Anji"nin büdcəsin 180 milyon dollar təşkil edirdi. Əksər ulduzlar komandadan gedəcək. Artıq komandada yüksək məvacib qarşısında oynayan yerli və əcnəbi futbolçular digər klublarla danışıqlara başlayıblar. Komandanın liderləri ilə görüşən Kərimov narahatçılığa heç bir əsas olmadığını və oyunçuların müqavilədə göstərilən məbləği tam olaraq alacaqlarını bildirib.