"Doblas maaşından kəsilmiş cəriməni tələb edir"

Bir müddət əvvəl "Xəzər Lənkəran"dan uzaqlaşdıran 4 futbolçudan ikisi - Eder Bonfim və Marin Orsuliçin Cənub klubu ilə artıq heç bir bağlılığı qalmayıb. Bu haqda Futbolxeber.az saytına "Xəzər Lənkəran"ın mətbuat xidmətinin rəhbəri Hüseyn Cəbrayıloğlu məlumat verib: "Artıq Orsuliç və Bonfimlə müqavilə məsələsini yoluna qoymuşuq. Doblas haqda da eyni sözlrəi deyə bilmərəm. İspan qapıçı ilə klub arasında yalnız xırda məsələ qalıb. Belə ki, Toşakın qərarına əsasən komanda cəzalanarkən Doblasın maaşından 15-20 faiz cərimə tutulmuşdu. Amma indi qapıçı həmin məbləği də tələb edir. Bu məsələ yoluna qoyulduqdan sonra onun da komandamızla heç bir bağlılığı qalmayacaq. O ki qaldı Pitə, onun hələ müqaviləsi var. Hazırda özünə yeni klub axtarır. Əgər, özünə komanda tapa bilməsə, əvəzedici komanda ilə birgə məşq edəcək".

"Özünə klub tapa bilməyəcəyi halda, Pitin əsas heyətə qayıdışı mümkündürmü" sualını isə klub rəsmisi belə cavabıandırıb: "Yox, bu, qeyri-mümkündür. Pitin əsas komandaya qaytarılmasından söhbət belə gedə bilməz. Özünə klub tapmasa, müqaviləyə əsasən klub ona məşq etməyə şərait yaratmalıdır. O da əvəzedicilərlə birgə hazırlıq keçəcək".