"Qarabağ" qələbə üçün oynayacaq"

“Qarabağ”ın bizimlə görüşdə qələbə üçün oynayacağını bilirik”. Bu sözləri Futbolxeber.az saytına açıqlamasında “Vorskla”nın futbolçusu Ardin Dalku deyib.

Poltava klubunun müdafiəçisi Avropa Liqasının dördüncü turu çərçivəsində “Qarabağ”a qarşı keçiriləcək görüşün ağır olacağını bildirib. Kosovalı futbolçu buna rəğmən qrupda ikinci qələbələrini qazanmaq istədiklərini bildirib: “Qarabağ”ın çox yaxşı komanda olduğunu bilirdik və bunu Bakıdakı oyunda da gördük.

Nə qədər çətin olsa belə, biz evdə də qalib gəlmək istəyirik. Qrupdan çıxmaq şansları artacaq ya yox, bu haqda indidən düşünmək istəmirik. Sadəcə biz bütün oyunlarda uğurlu nəticə qazanmaq istəyirik”.