"Litvada qalacam, yoxsa Azərbaycana qayıdacam, hələ bilmirəm"

“Dnepr”də oynadığı vaxtlarda gələcəyinə böyük ümidlər bəslənilən Dmitri Nağıyevin karyerası sonradan istədiyi kimi getmədi.

Futbolxeber.az saytına açıqlama verən Nağıyev “Stumbars” klubunda az oynamasından şikayətlənib. O, Litvada qalıb-qalmayacağına aydınlıq gətirmədiyini söyləyib: “Düzdü, hazırki komandamda istədiyim qədər oynamıram. Amma komandam yaxşı çıxış edir. Buna görə sevinmək olar. Baş məşqçini də anlayıram, o da çox dəyişiklik etmək istəmir.

Litvada qalacam ya yox, buna hələ qərar verməmişəm. Amma indidən də bir söz deyə bilmərəm. Azərbaycana qayıdıb-qayıtmamaq barədə isə heç düşünməmişəm. Gələcək hər şeyi göstərəcək”.