"Azərbaycanla oyunda kimin layiq olub-olmadığı bilinəcək"

Bosniya və Herseqovinanın U-21 yığmasının baş məşqçisi Vinko Marinoviç ölkəsinin mətbuatına danışıb.

Futbolxeber.az saytının məlumatına görə, Marinoviç noyabrın 19-da Zeniça şəhərində Azərbaycanın U-21 yığmasına qarşı keçiriləcək görüş haqda fikirlərini bildirib: “Hazırda yığmada oyunçular var ki, onlar qarşıdakı tsikldə də bizə kömək ola bilər. Azərbaycanla görüşdə onlardan hansının yığmaya layiq olduqları bilinəcək. Təbii ki, qarşıdakı toplanışlara dəvət olunmayanları da dəvət edəcəyik. Azərbaycanla oyun bizim futbolçular üçün də sınaq olacaq”.