"Vorskla"nın kapitanı: "Qarabağ"ın heyətində güclü futbolçular var"

“Vorskla”nın kapitanı Vladimir Çesnakov Futbolxeber.az saytına açıqlama verib.

Ukraynalı futbolçu Avropa Liqasının qrup mərhələsi çərçivəsində “Qarabağ”a qarşı keçirəcəkləri görüşü haqda danışıb. Çesnakov “Qarabağ”a qarşı Poltavada da keçiriləcək oyunda qələbə üçün oynayacaqlarını söyləyib: “Bakıdakı qələbə komandaya böyük motivasiya verdi. Avropa Liqasında ilk qələbəmizi qazandıq.

Təbii ki, bununla yetinmək fikrində deyilik. “Qarabağ”ın çox yaxşı komanda olduğunu deyə bilərəm. Bakıdakı görüşdə də çox yaxşı oynadılar. Evdəki oyunun da çox ağır alınacağını bilirik”.

Çesnakov “Qarabağ”ın heyətində ən çox çəkindikləri oyunçunun adını çəkib. O, “Qarabağ”ı Poltavada məğlub etmək istədiklərini söyləyib: “Qarabağ”ın heyətində çox güclü futbolçular var. Əsasən də hücum xəttində olan oyunçular güclüdü. Abdulla Zubirin oyununu xüsusi qeyd edərdim. Buna baxmayaraq biz qələbə üçün oynayacağıq”.