Aftandil Hacıyev: “Əsas 3 xal qazanmaq idi”

“Gərgin oyun alındı. İlk 30 dəqiqəni aktivimizə yazardım. Ağabala Ramazanov zədələndikdən sonra planlarımız pozuldu. Koçuk qırmızı vərəqə aldıqdan sonra isə tam heyətlə müdafiəyə çəkildik”.

Futbolxeber.az saytının məlumatına görə, bu sözləri “Səbail”in baş məşqçisi Aftandil Hacıyev Topaz Premyer Liqanın 9-cu turunda “Keşlə”yə qalib gəldikləri oyundan (2:1) sonra mətbuat konfransında deyib.

Gənc mütəxəssis qələbəni belə şərh edib: “Əks-hücumlar zamanı 1-2 epizod qazandıq. Əsas 3 xal qazanmaq idi, bunu bacardıq. İstərdik ötən tur "Qarabağ”a texniki qələbəylə yox, öz alın tərimizlə qalib gələk. İstəyirdik ki, xal fərqini qoruyaq. Rəqiblər güclüdürlər. "Keşlə” fasilə zamanı 3 oyunçuyla güclənib və bilirdik ki, bizə çətin olacaq".