“Qəbələ” - “Neftçi”: 47-ci duel

Bu həftə Topaz Premyer Liqasında II dövrəyə start veriləcək. “Qəbələ” VIII turda “Neftçi” ilə qarşılaşacaq.

Futbolxeber.az saytının məlumatına görə, ev matçına çıxacaq “qırmızı-qaralar” 47-ci dəfə paytaxt təmsilçisi ilə görüşəcək.

Əvvəlki 46 qarşılaşmada 16 qələbə qazanan “Qəbələ” 11 dəfə heç-heçə edib. Digər 19 görüşdə Bakı təmsilçisi qələbə qazanıb. Arxada qalan görüşlərdə rəqiblər eyni sayda - hərəyə 59 qol vurub.

“Qəbələ”nin öz meydanında keçirdiyi 22 görüşdə qonaqlar üstünlüyə malikdir. 7 qələbə və 5 heç-heçəsi olan komanda 10 dəfə məğlubiyyət alıb. Bu görüşlərdə futbolçular 27 qol vurub, 30-nu buraxıb.

Komandalar arasındakı 46 görüşdən 41-i Premyer Liqa çərçivəsində baş tutub. Ölkə çempionatının 15 oyununda 3 xal qazanan “qırmızı-qaralar” 8 bərabərliklə kifayətlənib. 18 dəfə qalib gələn “Neftçi” top fərqində də öndədir - 53:52.