"İnanıram ki, “Qarabağ” "Arsenal"la oyunda xal alacaq"

“Qarabağ”ın son günlərdə ard-arda üç oyun oynamasının onlar üçün problem yaradacağına inanmıram”.

Bu sözləri Futbolxeber.az saytına açıqlamasında “Qarabağ”ın sabiq forvardı Samir Musayev deyib.

Onun sözlərinə görə “Qarabağ” “Arsenal”la görüşdə istədiyi nəticəni də qazana bilər: “Qarabağ”ın lazımı qədər futbolçusu var. Sadəcə “Zirə” və “Sabah”la oyunların tempi və səviyyəsi “Qarabağ”a mane ola bilər. Çünki “Arsenal” “Qarabağ”la oyuna qədər kimlərlə oynayacaq özünüz baxın. “Qarabağ”ın oynayacağı rəqiblər isə onların səviyyəsində deyil. Yalnız bu mane ola bilər “Qarabağ”a. Məncə, “Qarabağ” “Zirə” və “Sabah”la oyunlardan 100 faizli nəticə ilə ayrılacaq.

Əlbəttə ki, “Arsenal”la oyun da nəzər alınacaq və bunun üçün nə etmək lazım olduğunu Qurban Qurbanov yaxşı bilir. “Qarabağ”ın istəyi, əzmi, 12 oyunçusu “Arsenal”a mane ola bilər. İnanıram ki, “Qarabağ” bu oyunda xal alacaq”.