"Qol vura bilmirsənsə, qalib gələ bilməzsən"

“Bizim əsas problemimiz qol vura bilməməyimizdi. Yoxsa çox yaxşı futbol oynadığımızı düşünürəm”. Bu sözləri Futbolxeber.az saytına açıqlamsında “Keşlə”nin qambiyalı futbolçusu Ebrima Sohna deyib.

Afrikalı futbolçu saytımıza açıqlamasında komandasının uğursuz çıxışına toxunub: “Əgər qol vura bilmirsənsə, qalib gələ bilməzsən. Məncə, əsas problemimiz məhz budu. Bunu yoluna qoya bilsək, yaxşı nəticələr qazanacağıq. Oyunlarda şansımız da gətirmir. Amma biz məşqlərimizi davam etdiririk. Ümid edirəm ki, hər şey daha yaxşı olacaq və istədiyimiz nəticələri qazanacağıq”.

“Qarabağ”ın “Sportinq”ə qarşı çətin oyun gözlədiyini demək olar. Amma “Qarabağ” da yaxşı nəticə qazana bilər. “Qarabağ” komanda kimi oynaya bilsə, “Sportinq”ə qalib də gələ bilər” – deyə, Ebrima Sohna fikirlərini yekunlaşdırıb.