Slavik Alxasov: "Ədalətli nəticə 0:0 idi"

“Keşlə”nin müdafiəçisi Slavik Alxasov Premyer Liqanın dördüncü turu çərçivəsində “Neftçi”yə qarşı keçirdikləri görüşü dəyərləndirib.

Futbolxeber.az saytına açqlama verən Alxasov matçı belə dəyərləndirib: “Matça çox yaxşı hazırlaşmışdıq. Komanda şəklində də oyuna inamlı çıxdıq. “Neftçi” ilə oyundan yaxşı nəticə ilə dönmək istəyirdik. Hər iki komanda da aqressiv futbol oynadı. Bərabər səviyyəli oyunun getdiyini söyləmək olar. Qol imkanları onlarında var idi, bizim də oldu. Sadəcə sonlarda konsentrasiyamızı itirdik. O da bizə baha başa gəldi. Məncə, ədalətli nəticə elə 0:0 idi.

İndiki halda bizim üçün nəticələr sərfəli deyiı. Ancaq hələ oyunlar qabaqdadı. Qarşıdakı oyunlarda artıq qələbələr qazanmağa çalışacağıq. Çünki turnir cədvəlində irəliləmək lazımdı”.