"Azərbaycanla oyunda hücum futbolu oynaya bilməmişdik"

"Mən daha öncə bildirmişdim ki, qrupumuzun favoriti Azərbaycandı. Amma indi görürük ki, Farer adalarının da yaxşı şansı var. Onlar ilk oyunda qalib gəlməklə uğurlu start verdilər".

 

Futbolxeber.az saytının məlumatına görə, Kosovo millisinin baş məşqçisi Bernard Şalland belə danışıb. O, Farer adalarına qarşı keçirəcəkləri görüş haqda fikirlərini bölüşüb: "Farer adalarının Malta ilə oyununa baxdım. Rəqibimiz çox gözəl təsir bağışladı. Bu komandaya böyük hörmətlə yanaşıram, amma evdə böyük şou göstərmək istəyirik. Kosovo, Azərbaycan və Farer adalarının lider olmaq şansı var. Azərbaycanla oyunda hücum futbolu oynaya bilməmişdik. Daha çox müdafiəyə fikir verdik. Çətin səfər matçında uduzmamaq vacib şərt idi".