"Növbəti mərhələdəki rəqibin "Sevilya" olması motivasiyadı"

“Bakıdakı görüşdə “Uypeşt”dən daha yaxşı idik və layiqli qələbə qazanmışdıq”.

Bu sözləri Futbolxeber.az saytına açıqlamasında “Neftçi”nin üzvü Slavko Braliç deyib.

Avropa Liqasının birinci təsnifat mərhələsinin ikinci görüşündə “Uypeşt”lə Macarıstanda qarşılaşacaq “Neftçi” bu görüşdən də uğurlu nəticə ilə ayrılmaq istəyir. Xorvatiyalı müdafiəçi oyun haqda fikirlərini bildirib: “Cavab oyununda əsas heyətdə oynayıb-oynamayacağıma baş məşqçi qərar verəcək. Çünki o, hər şeyi daha yaxşı bilir.

Mən hər zaman “Neftçi”yə kömək etməyə hazıram. Növbəti mərhələdəki rəqibin “Sevilya” olması hamını motivasiya edir. Hər bir futbolçu bu cür böyük komandaya qarşı oynamaq istəyər. “Uypeşt”lə cava oyununda da yaxşı nəticə üçün oynayacağıq”.