Rusiya klubunun hücumçusu: "Azərbaycanın əsas millisində oynamaq istəyərəm"

Rusiyanın “Ximki” klubunda oynayan Kamran Əliyev Futbolxeber.az saytına açıqlama verib.

U-20 yığmamıza da dəvət almış Əliyev öz oyunu ilə diqqətləri üzərinə çəkə bilmişdi. U-21 yığmasına dəvət olunsa da, o, klubundakı işlərinə görə geri qayıtmalı olmuşdu. Saytımıza danışan Əliyev əsas məqsədinin Azərbaycanın əsas millisində oynamaq olduğunu bildirib: “Hazırda əsas fikrimi klubumdakı işlərimə yönəltmişəm.

“Ximki”nin əsas heyətində oynayıram və çalışıram ki, daima bunu davam etdirim. Azərbaycanın heç bir klubundan təklif almamışam. Düzdü, rus klublarından da dəvət yoxdu. Amma mən əsas indiki klubumu düşünürəm. Təbii ki, Azərbaycan yığmasına dəvət edilməyim məni sevindirir. Azərbaycanın əsas millisində də oynamaq istəyərəm. Amma bunu zaman göstərəcək”.