“Qəbələ” Xorvatiyada 1/4 finalda dayandı

Xorvatiyanın Riyeka şəhərində keçirilən 17 yaşadək futbolçulardan ibarət komandalar  arasında 66-ci Kvarnerska Riviyera turnirində 1/4 final mərhələsinin oyunları keçirilib.

Futbolxeber.az-ın klubunn saytına istinadən verdiyi məlumata görə, “Qəbələ”nin U-17 komandası yarımfinala vəsiqə uğrunda matçda Sloveniyanın “Olimpiya” klubu ilə qarşılaşıb.

Gərgin və maraqlı oyun şəraitində keçən qarşılaşmanın taleyini 1 qol həll edib. Minimal hesabla qalib gələn Lyublyana təmsilçisi yarımfinala adlayıb. Turnirdə ilk məğlubiyyətini alan “Qəbələ” mübarizəni dayandırıb.

Xatırladaq ki, “Qəbələ”nin U-17 komandası qrupda Sloveniya “Domjale”si ilə qolsuz heç-heçə edib, Xorvatiya “Omişal”ını 2:0 hesabı ilə məğlubiyyətə uğradıb və yerli “Osiyek”lə sülhə imza atıb - 1:1.