Gənclər Liqası: “Qarabağ” “Çelsi”yə uduzdu

“Qarabağ”ın U-19 komandası bu gün UEFA Gənclər Liqasının qrup mərhələsində 5-ci turun oyununa çıxıb.

Futbolxeber.az saytının məlumatına görə, Rəşad Sadıqovun komandası Bakıda “Çelsi” ilə qarşılaşıb.

Ötən turda səfərdə "Atletiko”ya qalib gələrək (1:0) sürpriz nəticəyə imza atan "Qarabağ" qrup lideri ilə görüşdən məğlub ayrılıb - 1:3. Bununla da "Çelsi" növbəti mərhələyə yüksəlib. "Qarabağ" isə qrupdan çıxmaq şansını itirib.

Qeyd edək ki, qrupun digər oyununda "Atletiko" "Roma"nı qəbul edəcək.

22 noyabr

UEFA Gənclər Liqası, 5-ci tur

C qrupu

Qarabağ (Azərbaycan) - Çelsi (İngiltərə) 1:3

Qollar: Yaroslav Deda, 50 (1:0), Taylor, 61-pen. (1:1), Braun, 70 (1:2), Corc Makİçran, 77 (1:3)

Baş hakim: Alper Ulusoy (Türkiyə)

Bakı. “Azərsun Arena”