"Qarabağ"ın qapıçısı: “Şaxtyor”la bir qrupa düşmək istəyərdim”

Topaz Premyer Liqasının 3-cü turunda “Qəbələ”ni üzərində 2:1 hesablı qələbədən sonra "Qarabağ"ın qapıçısı Anton Kanibolotski jurnalistlərin suallarını cavablandırıb. Qol.az-ın xəbərinə görə, ukraynalı qolkiper öncə oyunla bağlı fikirlərini bildirib:

- Çətin oyun olacağı gözlənilən idi. Çempionlar Liqasındakı ağır səfər matçından sonra bərpa olunmaq lazım idi. Sevindirici haldır ki, müsbət nəticə qazandıq.

- Artıq 3 turdur çıxış etdiyin Premyer Liqamızla bağlı fikirləriniz necədir?

- Hər şey müsbətdir. Təəssüratlarım yaxşıdır və razıyam.Azarkeşlər stadionlara gəlir və dəstək olur. Ukraynada isə son zamanlar azarkeşlər az hallarda oyunlara gəlirdilər.

- Bosniyalı həmkarın İbrahim Şehiçlə rəqabət barədə nə söyləyə bilərsən?

- Rəqabət hər yerdə var. Bizə ancaq işləmək qalır. Seçim isə baş məşqçidədir.

- Çempionlar Liqasının qrupunda "Roma", "Atetiko" və "Çelsi" ilə qarşılaşacaqsınız. Rəqiblər barədə nə düşünürsünüz?

- Maraqlı qrupa düşmüşük. Rəqiblərimiz güclüdür. Çətin sınaqlar olsa da, oynamağa ümid verən komandalardı.. Nəyəsə ümid edirik. Yaxşı çıxış etmək üçün əlimizdən gələni edəcəyik.

- Sabiq komandan "Şaxtyor"la eyni qrupa düşmək istəyərdin?

- Bəli. Özümüzün gücünü görmək istəyərdim. Amma bu rəqiblərə görə də şadıq.

- “Şaxtyor”un heyətində “Çelsi”ni ÇL-in qrupda saxlamışdınız. Həmin oyun barədə xatirəniz necədir?

- Unudulmaz hisslərdir.

- "Qəbələ"ylə üz-üzə gəldiyin həmyerlilərin var idi. Onlarla heç qarşılaşmışdın?

- Dmitri Bezotosnı və Vitali Verniduba qarşı oynamışdım. Maraqlı və gərgin oyun oldu. Ukraynada da belə olurdu (qol.az).