Tərlan Quliyev: “Həmin epizodda hakimin vərəqə göstərməyi lazım deyildi”

“Oyunu əvvəlcədən bilirdik çətin olacaq. Bizim üçün ümumiyyətlə bütün oyunlar ağır olmalıdı. Vəziyyətimiz göz qabağındadı. Komandada 50 faiz oyunçularımız zədəlidi və bu halda belə oynayırlar. Məcburuq oynamağa”.

Futbolxeber.az saytına müsahibəsində bu sözləri “İnter”in müdafiəçisi Tərlan Quliyev Topaz Premyer Liqasının III turunda “Səbail”i 1:0 hesabı ilə məğlub etdikləri oyundan sonra deyib.

O, qırmızı vərəqə aldığı epizodla bağlı deyib: “İkinci epizodda sarı vermək olardı, ancaq birinci epizodda hakimin vərəqə göstərməyi lazım deyildi. Meydanı vaxtından əvvəl tərk edərkən adam özünü pis hiss edir. Komanda 10 nəfərlə oturub dala əziyyət çəkir. Nəvar-nəvar komanda mənim ucbatımdan çətinə düşdü. Yəni adam elə fikirləşir, bu hamının başına gələ bilər. Şükürlər olsun, əsas 3 xal idi onu da qazandıq. "Kəpəz"lə qarşıdan gələn oyunu fikirləşirik. O da ağır olacaq, özü də Yevlaxda”.