“Neftçi”də ayrılıq: “Nə vaxtsa qayıdacam”

“Neftçi” ilə müqaviləsi başa çatan futbolçu Elvin Bədəlov komandanı tərk edir. Futbolxeber.az-ın məlumatına görə, 22 yaşlı müdafiəçi fikirlərini klubun rəsmi saytına bildirib:

 

“Məzuniyyətdən qayıdandan sonra klub rəhbərliyi yeni müqavilə təklif etdi. Buna görə onlara minnətdaram. “Neftçi” ilə müqaviləm başa çatandan sonra menecerim mənə yeni klub axtarırdı. Avstriyadan təkliflər var idi və mən ölkə xaricində oynamaq qərarına gəldim. Klub rəhbərliyi ilə danışdım, şərtlər məni qane etdi və razılıq verdim. Legioner həyatı yaşamaq mənim üçün yeni təcrübə olacaq. “Neftçi”yə minnətdaram, bu komandada 3 il oynadım. Bu mənim üçün böyük şərəf, böyük təcrübə oldu. Çalışdığım məşqçilərə təşəkkür edirəm. Hər birindən nələrsə öyrəndim. Ümid edirəm ki, nə vaxtsa Azərbaycana qayıdıb, yenidən “Neftçi”də oynayacağam”.

 

Qeyd edək ki, Bədəlovun Avstriyanın Şərq Regional Liqasında çıxış edən “Qarabağ Vyana”ya keçidi gözlənilir.