Guerrier: “Ən böyük üstünlüyüm odur ki…”

“Qarabağ” bu gün Haiti millisinin üzvü Vild-Donald Guerrierlə 2 illik müqavilə bağlayıb. Futbolxeber.az-ın məlumatına görə, 28 yaşlı yarımmüdafiəçi keçidi ilə bağlı klub saytına açıqlamalar verib: 

 

“Qarabağ” ilk gündən mənə öz ailəm kimidir. Sanki uzun müddətdir, buradayam. Həqiqətən bura gəldiyim üçün xoşbəxtəm. Komanda üçün əlimdən gələnin ən yaxşısını edəcəm. “Qarabağ” ardıcıl 4-cü dəfə çempion olur və 3 ildir Avropa Liqasının qrup mərhələsində oynayır, bunların hamısını yaxşı anlayıram. Hər zaman hansı komandamda olmağımdan asılı olmayaraq, qələbə üçün meydana çıxmışam və komandamın qələbə qazanması üçün “vuruş”muşam. Ən böyük üstünlüyüm odur ki, uduzmağı sevmirəm. Harada varamsa, qalib gəlmək üçün mübarizə aparmışam. Əgər bu gün “Qarabağ”a gəlmişəmsə, mənə göstərilən etimadı doğrultmaya çalışacam”.