"Qarabağ"ın yeni transferi: “Azarkeşlərin məndən gözləntiləri böyükdür”

“Qarabağ” bu gün polşalı futbolçu Yakup Jezniçakla münasibətlərini rəsmiləşdirib. Futbolxeber.az-ın məlumatına görə, Ağdam təmsilçisi ilə 2 illik müqavilə imzalayan 30 yaşlı müdafiəçi klub saytına açıqlamalar verib: 

 

“Azərbaycanın ən yaxşı komandasının - “Qarabağ”ın bir üzvü olduğum üçün çox xoşbəxtəm. Mənim üçün bura gəlmək həyəcanlıdır, çünki geridə qalan 13 ili “Qarabağ” kimi köklü klub olan “Legiya”da keçirmişəm. Bir təcrübəli futbolçu kimi bütün gücüm və mübarizəmlə “Qarabağ”a kömək edəcəm. Komandamda yeni məqsədlər üçün mübarizə aparacam və ümid edirəm ki, bu mövsüm Çempionlar Liqasında daha da yaxşı yerlərə gedəcəyik. Anlayıram ki, azarkeşlərin məndən gözləntiləri böyükdür. Yayda sabiq komandam “Legiya”yla təlim-məşq toplanışında iştirak etmişəm və yeni mövsümə özümü tam hazır sayıram. Sonda isə “Qarabağ”da çalışan hər kəsə və azarkeşlərə məni burada isti qarşıladıqları üçün təşəkkür edirəm”.