"Yaqelloniya"nın "Qəbələ" qarşısında işi çox çətin olacaq"

"Yaqelloniya"nın bəxtinə çox çətin rəqiblər düşüb. Qafqaz komandaları heç vaxt asanlıqla təslim olmurlar".

Futbolxeber.az saytının qol.az-a istinadən verdiyi məlumata görə, bu sözləri Polşanın "Poqon" klubunun futbolçusu Marçin Novaka ölkəsinin mətbuatına açıqlamasında deyib.

37 yaşlı futbolçu Polşanın "Yaqelloniya" klubunun Avropa Liqasındakı şanslarını dəyərləndirib. O bildirib ki, komanda ikinci mərhələyə keçsə, “Qəbələ” ilə çətin oyun olacaq: "Yaqelloniya"nın işinin asan olmayacağı bəllidir. "Dinamo" (Batumi) ilk oyunda nəyə qadir olduğunu göstərdi. Klubumuz mərhələ keçsə, "Qəbələ"yə rəqib olacaq. Bu komandaya qarşı çox diqqətli olmaq lazımdır. Onlar son iki ildə Avropa Liqasının qrup mərhələsində oynayıblar və layiqli mübarizə aparıblar. "Yaqelloniya"nın "Qəbələ" qarşısında işi çox çətin olacaq".

Qeyd edək ki,  Polşa klubu Gürcüstanda keçirilən ilk oyunda "Dinamo" üzərində 1:0 hesablı qələbə qazanmışdı. Tərəflər arasındakı cavab görüşü iyulun 6-da keçiriliəcək.