“Qəbələ” üzərində qələbəni şərh etdi

Ötən gün təmsilçisimiz “Qəbələ” ilə yoxlama oyunu keçirən Rusiyanın "Axmat" komandası 1:0 hesablı qələbə qazanıb. Futbolxeber.az-ın məlumatına görə, klubun rəsmi saytına açıqlama verən Çeçenistan klubunun baş məşqçisi Oleq Kononov qələbəni belə şərh edib:

 

“Qələbə qazanmaq, qələbə ilə başlamaq həmişə xoşdur. Bundan əlavə, başa düşürük ki, "Axmat" adı altında ilk oyuna çıxırdıq. Futbolçuların çıxışından razı qaldım. Kifayət qədər müsbət məqamlar vardı. Xüsusilə, İlk hissədəki çıxışımız xoşuma gəldi. Futbolçular tapşırıqları yaxşı yerinə yetirdilər. İkinci hissədə də aktiv idik və hücumlar təşkil edirdik. Amma yenə daha çox hərəkət etmək lazımdı. Əvəzetmədən oyuna daxil olan futbolçuların da çıxışı məni razı saldı".