"Qarabağ"ın rəqibini tanıyaq

Makedoniya "Metallurq"unu hər iki oyunda 1:0 hesabı ilə məğlub edərək, Avroliqanın ikinci mərhələsinə yüksələn "Qarabağ" bu turda Polşanın "Piast" klubu ilə görüşəcək. Futbolxeber.az-ın məlumatına görə, Qlivitse şəhərini təmsil edən "Paist"ın əsası 1945-ci il iyunun 18-də qoyulub. Tarixi ərzində birinci liqada 32 mövsüm keçirən "Qarabağ"ın rəqibi Polşanın yüksək liqası - "Ekstraklassa"ya yalnız 2008-ci ildə yüksələ bilib. Son mövsüm dördüncü olan "Piast" ev oyunlarını doğma şəhərindəki eyniadlı stadionda keçirir. "Piast" stadionunun tutumu 10 mindir. Klubun prezidenti Yatsek Kşijanovski, baş məşqçisi isə Matçin Broşdu. Komanda ev oyunları zamanı göy-qırmızı, səfər matçlarında isə ağ-qırmızı rəngli formada çıxış edir. Son mövsüm "Piast" ölkə çempionatında dördüncü yeri tutub. Tarixi ərzində komanda 2 dəfə ölkə kubokunda finala yüksəlsə də, hər iki halda həlledici qarşılaşmadan məyus ayrılıb. 1978-ci ildə "Zaqlembe", 1983-cü ildə isə "Lexiya" "Piast"ın arzusunu gözündə qoyub.