"Metallurq"un baş məşqçisi: “Qarabağ”ın qələbəsinə kölgə salmaq istəmirəm"

Avroliqanın ilk mərhələsi çərçivəsində hər iki oyunda "Qarabağ"a 0:1 hesabı ilə uduzan "Metallurq"un baş məşqçisi Srcan Zahariyevski Bakıda baş tutan cavab oyununu şərh edib. Futbolxeber.az-ın məlumatına görə, makedoniyalı mütəxəssis "Qarabağ"ın qələbəsinə kölgə salmaq fikrində olmadığını bildirib: "İlk oyunla müqayisədə daha yaxşı oynadıq. Ancaq bununla belə, “Qarabağ”ın qələbəsinə kölgə salmaq istəmirəm. Onlar layiqli qələbə qazandı. “Qarabağ” növbəti rəqibi olan Polşanın “Piast Qlivitse” klubunu yenə bilər. Komandanız bunu reallaşdırmaq gücündədir. Çünki Azərbaycan futboluna maliyyə baxımından böyük diqqət var. Bu, gələcəkdə qrup mərhələsinə düşməyinizə imkan verəcək”.