Kamerun federasiyasının rəsmisi: “Azərbaycan millisinin güclü məşqçisi var”

slam oyunlarında futbol yarışlarının püşkü atılıb. Püşkün nəticəsinə əsasən, Azərbaycan millisinin qrudakı rəqiblərindən biri də Kamerun yığmasıdır.

Kamerun Futbol Federasiyasının prezidenti Tombi Sidikinin adminstrativ köməkçisi Odilya Çin Futbolxeber.az saytına müsahibəsində püşkün nəticəsini dəyərləndirib. O, qrupdakı rəqiblərdən çəkinmədiklərini bildirib: “Kamerun milisi yaxşı komandadır. Biz rəqiblərimizdən çəkinmirik. Qrupdakı rəqiblərimizdən biri də ev sahibi kollektiv olacaq. İnanıram ki, futbolçularımız özlərini yaxşı tərəfdən göstərəcəklər”.

Çin “Azərbaycan yığması haqda hansı məlumatlara maliksiniz” sualını belə cavablandırıb: “Azərbaycan millisinin oyununu görməmişik. Amma bilirəm ki, komandanızın güclü məşqçisi var. Üstəlik, heyətdə yaxşı futbolçular toplaşıb. Aydın məsələdir ki, milliyə ən yaxşılar dəvət alır”.

Kamerun Futbol Federasiyasının rəsmisi paytaxtımız haqda müsbət fikirlər səsləndirib: “Bakı çox gözəl şəhərdir. Hündür binalar ilk baxışdan diqqəti cəlb edir. Kamerundakı kimi burada da insanlar çox mehribandılar. Bu şəhərə gələn qonaq hər hansı çətinliklə üzləşmir. Ölkənizin İslam oyunlarını yüksək səviyyədə təşkil edəcəyinə əminəm”.