"Qəbələ" zəif komanda deyil"

"Bu oyun bizim üçün önəmlidir. Qrupdan çıxmağımız üçün vacib matçlardan biridir. Asan olmayacaq. Bütün oyunçularımız hazırdır. Çalışacağıq ki, qələbə qazanaq".

Futbolxeber.az saytının məlumatına görə, bu sözləri "Sent-Etyen"in futbolçusu Cordan Varetu Avropa Liqasının qrup mərhələsində "Qəbələ" ilə səfər oyunu öncəsi keçirilən mətbuat konfransında deyib.

Daha sonra o, jurnalistlərin suallarını cavablandırıb.

- “Qəbələ”ni necə komanda kimi görürsünüz?

- Zəif komanda yoxdur. Bu oyuna ciddi hazırlaşmışıq. “Qəbələ” zəif komanda deyil. Çalışacağıq ki, bu oyunda daha ciddi oynayıb, qalib gələk.

- Özünü oyuna hazır hiss edirsənmi?

- Beş ay yaşıl meydanlardan uzaqda qaldım. Bu, oyunuma təsir göstərə bilər. Lakin komanda yoldaşlarım "Qəbələ" ilə görüşə tam gücü ilə hazırlaşıblar. Qələbə qazanmaq üçün var gücümüzlə mübarizə aparacağıq.

- Səncə, qələbə üçün nə lazımdır?

- Qələbə üçün təbii ki, qol vurmalıyıq. Hücumçularımız buna tam hazırdır.

- İlk oyundan fərqli olaraq “Qəbələ”nin bəzi zədəli oyunçuları artıq tam hazırdır. Bu barədə məlumatın varmı?

- Bildiymə görə 2 zədəli oyunçu var idi. Biz bunları nəzərə almışıq. Bizim öz oyun stilimiz var. Öz oyunumuza köklənəcəyik.