“İnter Arena”da “premiya” davası: Hakim pul almaq üçün tribunaya qalxan oyunçuya mane oldu

Futbol üzrə Azərbaycan I divizionunda keçirilən “Bakılı” - “Mil Muğan” oyununda maraqlı anlar yaşanıb.

Futbolxeber.az saytının “İnter Arena”da olan əməkdaşının verdiyi məlumata görə, “Bakılı” matçın 90+3-cü dəqiqəsində qələbə qolunu vurub.

Qolu çılğın şəkildə qeyd edən Vurğun Həsənzadə üzünü “Bakılı” rəhbərliyinin yer aldığı istiqamətə tutaraq, “premiya”mızı verin, “premiya”mızı deyib. Klub rəhbərlərindən biri futbolçunun istəyini dərhal yerinə yetirməyə çalışıb. O, cibindən pul çıxardaraq meydana tərəf uzadıb. Maraqlıdır ki, qol vuran futbolçu da pulu almaq üçün həmin tərəfə yollanıb. Yalnız dördüncü hakimin müdaxiləsi Azərbaycan futbolunda növbəti qeyri-adi hadisənin yaşanmasına mane olub.

Qeyd edək ki, matçdan sonra “Bakılı”nın prezidenti Misir Əbilov paltardəyişmə otağında futbolçuları mükafatlandırıb. 

"Layihə AFFA yanında Media Komitəsi tərəfindən maliyyələşdirilir"