Rodriqo Defendi: “İnanmıram ki, Bakının istisi bizə təsir etsin”

“Qəbələ” ilə oyuna çox ciddi hazırlaşırıq. Bu görüş bizim üçün çox vacindir. Əlimizdən gələni edəcəyik ki, Bakıdan sərfəli nəticə ilə ayrılaq”. Futbolxeber.az saytının məlumatına görə, bu sözləri “Maribor”un müdafiəçisi Rodriqo Defendi deyib.

Oyunöncəsi mətbuat konfransına qatılan braziliyalı müdafiəçi Bakının istisini problemə çevirmədiklərini bildirib: “İnanmıram ki, Bakınn istisi bizə mənfi təsir etsin. Sloveniyada da hava şəraiti eynidir. Biz meydana çıxıb, oyunumuzu göstərməyə çalışacağıq”.

30 yaşlı futbolçu sabahkı görüşün asan keçməyəcəyini bildirib: “Avroliqada asan oyun olmur. Yüksək səviyyəli turnirdə çıxış edirik. Əlimizdən gələni edəcəyik ki, yaxşı çıxış edək. Rəqibi izləmişik. “Qəbələ” fərqli oyun göstərir”.