“Zirə”nin prezidenti istefa verdi

Vüqar Astanov “Zirə” klubunun prezidenti vəzifəsindən ayrılıb. Futbolxeber.az-ın məlumatına görə, bu haqda klubun rəsmi saytı xəbər yayıb:

- Klub təsisçilərinə müraciət edən V. Astanov işlərinin çoxluğu ilə əlaqədar vəzifəsindən ayrılmaq istədiyini bildirib. “Zirə”də prezident vəzifəsini müvəqqəti olaraq, icraçı direktor Natiq İsmayılov yerinə yetirəcək.

“Zirə” PFK klubun inkişafında və qazandığı uğurlarda böyük əməyi keçən Vüqar Astanova gördüyü işlərə görə təşəkkür edir, ona uğurlar arzulayır.