“CBC-Sport”dan “Lill” - “Qəbələ” oyununun yarımçıq kəsilməsi ilə bağlı açıqlama

“CBC-Sport” kanalı Avroliqanın III təsnifat mərhələsinin ilk oyunu çərçivəsində baş tutan “Lill” - “Qəbələ” (1:1) matçının yaıyımının yarımçıq kəsilməsi ilə bağlı açıqlama yayıb. Futbolxeber.az saytının məlumatına görə, kanalın feysbuk səhifəsində yer alan açıqlamada deyilir:

- Hörmətli “CBC Sport” tamaşaçıları, bizdən asılı olmayan səbəblərə görə "Lill" - "Qəbələ" oyununun yayımı 86-cı dəqiqədə dayandı. Fransalı həmkarlarımızın Lill şəhərindən ötürdüyü siqnalda texniki problemlər yarandığı üçün matçı sonadək təqdim edə bilmədik. Buna görə, sizdən üzr istəyirik. Ancaq Fransa tərəfi ilə danışıqlardan sonra sabah bütünlükdə oyunun yayımını təqdim etməyə çalışacağıq”.