Ramin Musayev: “Artıq Avropada 2 mərhələ keçmək uğur sayılmır”

“Bu mövsüm Avropadakı təmsilçilərimiz bizi sevindirirlər. Artıq 2 mərhələ keçmək bizi qane etmir”. Futbolxeber.az saytının məlumatına görə, bu sözləri Peşəkar Futbol Liqasının prezidenti Ramin Musayev deyib.

PFL prezidenti üçüncü mərhələdə mübarizə aparacaq “Qarabağ” və “Qəbələ”yə uğurlar arzulayıb: “Bəzən uğur qazananda bəxtin də rolu olur. Avrokubokların ilk mərhələsində müəyyən qədər bəxtimiz gətirdi. Rəqiblər nisbətən zəif idi. Amma üçün mərhələ barədə eyni sözləri demək olmaz. Bu gün “Qarabağ” “Viktoriya Plzen”lə qarşılaşacaq. 2 gün sonra “Qəbələ” “Lill”lə üz-üzə gələcək. Həm “Qarabağ”a, həm də “Qəbələ”yə uğurlar arzulayırıq”.