Sergey Zenyov: “Lill”ə qarşı tam gücümüzlə mübarizə aparacağıq”

“MTK ilə cavab oyunu yaxşı keçdi. Qələbə qazanmaqla yolumuza davam edirik. Qol vurduğum, komandamın qələbəsində pay sahibi olduğum üçün çox şadam”. Futbolxeber.az saytına açıqlamasında bu sözləri “Qəbələ”nin üzvü Sergey Zenyov deyib.

Estoniya yığmasının üzvü Avroliqanın III təsnifat mərhələsində qarşılaşacaqları “Lill”dən də söz açıb: “Təbii ki, III mərhələdə işimiz çox çətin olacaq. “Lill”in gücü hər kəsə məlumdur. Bu, tam başqa səviyyədir. “Lill” haqda kifayət qədər məlumatımız var. Rəqib nə qədər güclü olsa da, bu komandaya qarşı tam gücümüzlə mübarizə aparacağıq”.