“Qəbələ” kamerunlu hücumçunu transfer edir

“Qəbələ” növbəti transferini reallaşdırmaq üzrədir. Futbolxeber.az saytının əldə etdiyi məlumata görə, “Qırmızı-qaralar” Marsel Essombeni heyətinə qatır. Kamerunlu hücumçunun 28 yaşı var. Peşəkar karyerasına 2006-cı ildə “Soşo”nun ikinci komandasında başlayan Essombe son mövsümü Buxarest “Dinamo”sunda keçirib. Rumıniya klubunun heyətində meydana çıxdığı 23 oyunda 6 qol vurub. Mövsüm başa çatdıqdan sonra “Dinamo”nu tərk edən kamerunlu hücumçu “Astra”ya keçməyə yaxın olsa da, son anda seçimi “Qəbələ”nin xeyrinə edib.

Qeyd edək ki, Marsel Essombe “Qəbələ”nin yeni transferi Beqali Dabo ilə birgə Fransanın “Kretey” klubunda çıxış edib.