“Admira”nın baş məşqçisi: “Kəpəz”in oyunu məni təəccübləndirdi”

“Oyun çətin keçdi. 90 dəqiqə ərzində üstün idik. “Kəpəz”i də gözəl oyuna görə təbrik edirəm”. Futbolxeber.az saytının məlumatına görə, bu sözləri “Admira”nın baş məşqçisi Oliver Lederer deyib.

Avstriya klubu Bakıda “Kəpəz”i 2:0 hesabı ilə məğlub etməklə Avroliqanın III təsnifat mərhələsinə yüksəlib.

Matçdan sonra keçirilən mətbuat konfransında “Admira”nın çalışdırıcısı “Kəpəz”in bugünkü oyunundan təəccübləndiyini bildirib: “Məni təəccübləndirən o oldu ki, “Kəpəz” səfərdəki kimi oynadı. Bunu gözləmirdim. Amma sonda “Kəpəz” daha çox hücumlara meyl etdi. Bu da ona görədir ki, komandam daha rahat oynayırdı”.

Lederer rəqibin heyətində Darionu fərqəndirib: “Müdafiədə “Kəpəz” kollektiv şəkildə müdafiə olunurdu. Sol cinahda Dario Federiko fərqlənirdi. Hiss olunurdu ki, nəsə etməyə çalışır”

Avstriya klubunun çalışdırıcısı Bakıda gördüyü qonaqpərvərlikdən razılığını ifadə edib: “Bizi burada çox yaxşı qarşıladılar. Burada yaradılan şəraitdən razıyıq. Gələcəkdə Bakıya yolumuz düşsə, yenidən bura həvəslə gələcəyik”.